Qoxu itkisi Alzheimer və Parkinsonun xəbərçisi ola bilər

İsveçin Karolinska İnstitutu tərəfindən aparılan tədqiqatda yaşlılarda qoxu duyusunun zəifləməsinin ölüm və demensiya riskini artırdığı aşkar edilib. The Sun xəbər verir ki, 60-99 yaş arası iştirakçıların müxtəlif qoxuları tanıma bacarıqları ölçülüb. 16 qoxudan düzgün tanımayanlarda hər səhv cavab üçün altı il ərzində ölüm riski 6% artıb.

Milliyyət qəzetinin jurnalisti Didem Seymenin məlumatına görə, alimlər qoxu duyğusunun azalmasının beynin erkən zədələnməsinin və neyrodejenerativ xəstəliklərin göstəricisi ola biləcəyini bildirirlər.

İLK ƏLAMƏT

Qulaq-Burun-Boğaz, Qoxu və Dad Pozuntuları üzrə mütəxəssis, Avropa Kimyəvi Algı Dərnəyi üzvü prof. Dr. Aytuğ Altundağ deyib:
“Alzheimer, Parkinson və bəzi psixiatrik xəstəliklər ilk simptomlarını qoxu duyğusundakı dəyişikliklərlə verir. Buna görə də qoxu itkisini erkən mərhələdə aşkar etmək böyük nevroloji problemlərə vaxtında müdaxilə üçün imkan yaradır.”

ERKƏN DİAQNOZ ÜÇÜN FAYDALI

Nevrologiya mütəxəssisi prof. Dr. Talip Asıl əlavə edib:
“Qoxu duyğusunun neyrodejenerativ xəstəliklərdə biomarker kimi istifadə olunması xəstəliyin klinik simptomları ortaya çıxmazdan öncə erkən diaqnostika strategiyalarının hazırlanması və fərqləndirici diaqnozun qoyulmasında, həmçinin klinik vəziyyətin proqnozlaşdırılmasında faydalıdır.”

Ulusum.az