10 Milyonda 5-də Görülən Xəstəlik Türkiyədə Uğurla Müalicə Olundu

Türkiyənin Yozgat Şəhər Xəstəxanasının Kulak Burun Boğaz və Endokrinologiya mütəxəssisləri nadir rastlanan paratiroid karsinomunu əməliyyatla müvəffəqiyyətlə müalicə etdilər.

KBB üzrə mütəxəssis Op. Dr. Muhəmməd Furkan Yıldırım və Endokrinoloq Uz. Dr. Abdülkadir Bozbayın birgə qiymətləndirməsi və Yozgat Patologiya bölməsinin analizi ilə diaqnoz qoyuldu. Operasiya zamanı, xəstənin tiroid və ətraf toxumaları geniş şəkildə götürüldü, boyun bölgəsi təmizləndi. Əməliyyat sonrası heç bir komplikasiya müşahidə olunmadı.

Op. Dr. Yıldırım bildirdi ki, paratiroid karsinomu nadir və təhlükəli bir xəstəlikdir, yüksək hormon ifrazı səbəbilə ciddi ürək və tənəffüs problemlərinə yol aça bilər.

Ulusum.az