Yaponiyalı alimlər stressin dağıdıcı təsirlərinə qarşı salat hazırlayıblar

Tədqiqatlarda minə yaxın yetkin şəxsin iştirakı ilə müəyyən olunub ki, pomidor, yaşıl bibər və natto (fermentləşdirilmiş soya paxlası) insanın psixoemosional vəziyyətinə bağırsaq mikrobiosferası vasitəsilə müsbət təsir göstərir.

Nutrients jurnalında dərc olunan araşdırmaya görə, yüksək stress səviyyəsinə malik insanlarda bağırsaqda faydalı Lachnospira bakteriyalarının sayı azalır. Bu isə, əsasən, düzgün qidalanmama, antioksidant və lif çatışmazlığı ilə bağlıdır.

Stresslə mübarizədə kömək üçün pomidor, yaşıl bibər və nattonu tərkibində olan təzə salat hazırlamaq məsləhət görülür. Bu salata həmçinin göyərti, toxumlar, qoz-fındıq və zeytun yağı əlavə etmək faydalıdır.

Unutmayın, belə məhsulları yalnız stressli dövrlərdə deyil, müntəzəm olaraq qidalanmaya daxil etmək vacibdir ki, onlar sinir sisteminə uzunmüddətli müsbət təsir göstərsin.

Sağlam qidalan, stressi uzaqlaşdır!

Ulusum.az