“Ozempic körpələri” xəbərdarlığı – Qadınlar diqqətli olun!

İngiltərənin Dərman və Sağlamlıq Məhsulları Tənzimləmə Agentliyi (MHRA) Ozempic, Wegovy, Saxenda, Victoza və Mounjaro kimi arıqlama məqsədilə istifadə olunan iynələrlə bağlı ciddi xəbərdarlıq yayıb.

🔬 Bu dərmanların tərkibində GLP-1 reseptor agonistləri var və onların hamiləlik dövründə, südvermə zamanı və ya yaxın zamanda ana olmağı planlayan qadınlar üçün təhlükəli ola biləcəyi bildirilir.

👶 “Ozempic körpələri” nə deməkdir?

MHRA-ya 40-dan çox hamiləlik halı bildirilib. Bu halların bir qismi doğum nəzarət üsullarından istifadə edildiyi halda baş verib. Sosial şəbəkələrdə bu hallara “Ozempic körpələri” deyilir.
Təkcə Mounjaro ilə bağlı 26 hamiləlik qeydə alınıb.

⚠️ Xüsusilə Mounjaro istifadə edənlərə vacib xəbərdarlıq:
Mounjaro doğum nəzarət həblərinin təsirini azalda bilər.

Ona görə də əlavə qorunma üsullarından istifadə etmək vacibdir (məsələn, prezervativ).

Bu risk ilk 4 həftə və doza artırıldıqda daha yüksəkdir.

📌 MHRA-nın digər xəbərdarlıqları:
Arıqlama iynələri estetik məqsədlə istifadə edilməməlidir.

Bu preparatlar yalnız həkim nəzarəti altında və tibbi səbəblə istifadə olunmalıdır.

Gözəllik salonları, sosial media və ya qeyri-rəsmi mənbələrdən dərman almaq həyati təhlükə yaradır.

Şiddətli qarın ağrısı, ürəkbulanma və s. kimi pankreatit əlamətləri olduqda təcili həkimə müraciət edin.

👩‍⚕️ MHRA-nın Baş Təhlükəsizlik Məmuru Dr. Alison Cave bildirir:
“Arıqlama iynələri möcüzə deyil. Bu dərmanlar çox güclüdür və yalnız həkim nəzarəti altında istifadə olunmalıdır.”

🧬 Eczacılar Birliyindən Jasmine Shah:
“Qadınlar MHRA-nın xəbərdarlığına ciddi yanaşmalı və doğum nəzarətini laqeyd qoymamalıdırlar.”

📢 Nəticə: Bəli, bu iynələr arıqlamağa kömək edə bilər. Amma nəzarətsiz istifadə sizi və körpənizi risk altına atar. Özbaşına istifadə etməyin, sağlamlığınızı qoruyun!

Ulusum.az