Menopauza və Psixi Sağlamlıq

Ağır psixi pozuntulardan əziyyət çəkən qadınlar menopauza dövründə xüsusilə ciddi dəstək və məlumat çatışmazlığı ilə üzləşirlər. Bu nəticəyə beynəlxalq tədqiqat qrupu gəlib. Araşdırma Menopause jurnalında dərc olunub.

Menopauza keçid dövrü özü belə, psixoloji cəhətdən sağlam qadınlarda belə, narahatlıq və depressiv simptomların artması riski ilə müşayiət olunur. Ancaq məlumatlar göstərir ki, xroniki psixi pozuntular – şizofreniya, bipolyar pozuntu, ağır depressiya, posttravmatik stress pozuntusu (PTSP) və qida pozuntuları olan qadınlar üçün bu dövr xüsusilə ağır keçir.

Tədqiqatçılar vurğulayırlar ki, menopauzanın psixi sağlamlığa təsiri ilə bağlı artan marağa baxmayaraq, artıq diaqnoz qoyulmuş ağır psixi xəstəlikləri olan qadınlara dair araşdırmalar kifayət qədər aparılmayıb. Halbuki məlumdur ki, bu qadınlarda bu dövrdə həm bədən, həm də ruh halı ilə bağlı simptomlar daha da kəskinləşə bilər. Məsələn, şizofreniyası olan qadınlarda psixoz dərinləşə bilər, anoreksiyadan əziyyət çəkənlərdə isə bədənə münasibət daha da pisləşə bilər.

Araşdırma göstərir ki, bu qadınlar çox vaxt menopauza ilə bağlı dəyişikliklərə hazır olmurlar, çünki onlara yönəlik informasiya və dəstək proqramları yoxdur. Tədqiqatçılar belə qadınlar üçün maarifləndirici və fərdi yanaşmaların hazırlanması və tətbiqini vacib sayırlar.

“The Menopause Society”nin prezidenti və psixiatr Dr. Klaudio Soares deyib:

“Menopauzanın qadınların həyat keyfiyyətinə necə təsir etdiyini daha yaxşı anlayırıq. Amma tibbin digər sahələrində olduğu kimi, ağır psixi pozuntuları olan qadınların sağlamlığını da həyatlarının hər mərhələsində qorumaq üçün daha çox iş görməliyik.”

✍️"Ulusum".az