Elmira Qədirova ilə Hədik sirləri – Ehsan süfrəsinin dadı və mənası - VİDEO

Aşura günü bir çox müsəlman xalqlarında xüsusi yeməklərin hazırlanması qədim bir adətə çevrilib. Bu ənənənin məna və səbəbi hər xalqın düşüncə tərzinə və mifoloji yaddaşına görə fərqli şəkildə izah olunur.

Məsələn, türk xalqları "aşure" adlı yeməyi Həzrət Nuhun (ə) adı ilə bağlayaraq, bu günü bayram kimi qeyd edir və yeməyi sevinclə paylayırlar. Azərbaycanda isə Aşura, daha çox İmam Hüseynin (ə) ehsanı adı ilə anılır. Bu münasibətlə "hədik" adlı sadə, amma mənəvi dəyəri böyük bir yemək hazırlanır. Hədik — buğda və digər paxlalılardan bişirilir və qohum-qonşulara, tanışlara paylanır, paylaşımın və mərhəmətin simvoluna çevrilir.

Xalq arasında dolaşan maraqlı bir rəvayət də var: deyilir ki, Kərbəla əsirləri Şam xarabalığında saxlanarkən, Əhli-beytin körpələri aclıqdan ağlayırmış. O zaman Xanım Zeynəb onları sakitləşdirmək üçün qazanın içinə bir ovuc xırda daş ataraq, “bir azdan yemək hazır olar” demiş. Allahın möcüzəsi ilə o daşlar dənli bitkilərə çevrilmiş və yemək bişmiş.



Ulusum.az