Akula hücumlarının sayı kəskin azalıb

Florida Təbiət Tarixi Muzeyi tərəfindən dəstəklənən Beynəlxalq Akula Hücumları Faylının (ISAF) məlumatına görə, 2024-cü ildə cəmi 47 səbəbsiz akula hücumu qeydə alınıb. Bu, əvvəlki illə müqayisədə 22 hadisə azdır və son 10 ilin orta göstəricisi olan 70 hücumdan xeyli aşağıdır.

Araşdırmaya əsasən, ötən il akulaların hücumları nəticəsində yalnız dörd ölüm hadisəsi baş verib.

Lider ölkələr və qeydə alınan hadisələr

ABŞ: 28 hücum (yalnız 1 ölüm – Havay adalarında)
Avstraliya: 13 hücum, ölüm qeydə alınmayıb
Digər ölkələr: Yeganə ölümcül hadisə Qərbi Saxara sahillərində baş verib
Florida Akula Araşdırmaları Proqramının direktoru Qavin Neylor bildirir ki, hücumların əksəriyyəti akulaların insanları ov zəncirlərindəki digər canlılarla səhv salması ilə bağlıdır. Xüsusilə bulanıq sularda belə hallar daha çox baş verir. Statistikaya görə, hücuma məruz qalanların 33%-i sörfçülərdir.

Buna baxmayaraq, akula hücumu ehtimalı çox aşağıdır. Ümumdünya Səhiyyə Təşkilatının (ÜST) məlumatına görə, dənizdə boğulma riski akula hücumundan qat-qat yüksəkdir. Ekspertlər təhlükəsizlik tədbirlərinə – nişanlanmış ərazilərdə üzməyə və bulanıq sudan çəkinməyə – əməl etməyin riski minimuma endirdiyini vurğulayırlar.

Səidə