NASA sirri açdı: Mistika yox, elm?

NASA Yer Ob­ser­va­to­ri­ya­sı­nın mütəxəssisləri, Cənubi Hind okeanında yerləşən, yaşayış olmayan Herd adası üzərində müşahidə edilən nəhəng qaranlıq quruluş fenomeninə elmi izah veriblər. Mütəxəssislərin bildirdiyinə görə, fırlanan bu “deşiyə bənzər” sahələr, üstünlük təşkil edən küləyin quru ilə toqquşaraq hava axınını pozması və “fırlanma istiqaməti bir-birinə zidd olan ikiqat burulğan zolaqları” yaratması nəticəsində baş verən, Karman burulğanları kimi tanınan hadisənin nəticəsidir.

Avstraliyaya məxsus Herd adası Antarktidanın təxminən 1500 km şimalında yerləşir və 368 kvadrat kilometr sahəyə malikdir. Ölçüləri bir qədər kiçilən bu sirli ləkələr, buludlarla örtülü adadan şimal-şərq istiqamətində zəncirvari uzanırdı.

Adanın dağlıq relyefi güclü küləklərə qarşı duraraq bu miqyaslı burulğan izlərini yaradıb. Beləliklə, “mistik obyektlər” kimi görünən bu təsvirlər əslində təsirli, lakin tamamilə təbii atmosfer hadisəsi olub.

Ulusum.az