Ceyk Sallivan: Trump Administrasiyası diqqətini Çinlə strateji rəqabətə yönəltməlidir

Trump Administrasiyası diqqətini Çinlə strateji rəqabətə yönəltməlidir. Bu barədə Ceyk Sallivan bildirib.

“Çin Xalq Respublikası ilə rəqabət yaxın 10, 20 və 30 ildə dünyanın necə olacağını müəyyən edəcək. Bu, yeni administrasiya üçün əsas prioritet olmalıdır”, - deyə milli təhlükəsizlik müşaviri vurğulayıb.

Ceyk Sallivan qeyd edib ki, Çinlə rəqabət birbaşa qlobal sabitliyə, iqtisadi inkişafa və təhlükəsizliyə təsir edir və bunun üçün uzunmüddətli və strateji yanaşma tələb olunur.

Onun sözlərinə görə, Çinlə rəqabətdən əlavə, vəzifədən gedən Bayden administrasiyası İranı, Ukraynadakı müharibəni və Avropanın təhlükəsizliyi üçün riskləri də milli təhlükəsizliyə təhdid hesab edir.

Eltun Məmmədov