Hindistan Rusiya neftinin alışında Çini geridə qoyub

Hindistan Rusiya neftinin alışında Çini geridə qoyub. Bu barədə Reuters xəbər yayıb.

Ötən ay Rusiya nefti Hindistanın ümumi neft idxalının 44%-ni təşkil edərək gündəlik rekord həddə - 2,07 milyon barelə çatıb. Reuters mənbələrə istinadən xəbər verir ki, bu, iyun ayı ilə müqayisədə 4,2%, bir il əvvəlkindən isə 12% çoxdur.

Bu rəqəm iyulda Çinin Rusiya Federasiyasından gündəlik 1,76 milyon barel neft idxalının həcmini ötüb.

Nəşrin həmsöhbətinin sözlərinə görə, Hindistanın Rusiya neftinə ehtiyacı “sanksiyaların daha da sərtləşdirilməsinə qədər” artacaq.

Eltun Məmmədov