İstanbul danışıqları Rusiya fond bazarını çökdürdü

Rusiya ilə Ukrayna arasında İstanbulda aparılan danışıqlar fonunda Rusiya fond bazarında eniş müşahidə olunub. Ticarət məlumatlarına görə, əsas və əlavə sessiyaların dinamikasını əks etdirən Moskva Birjasının indeksi 2800 həddindən aşağı düşərək 7 maydan bəri ən aşağı səviyyəyə çatıb.

Həftənin əvvəlində isə prezident Vladimir Putinin Türkiyədə görüş keçirmə təklifi ilə bazarda artım qeydə alınmışdı. Rusiya nümayəndə heyətinə prezidentin köməkçisi Vladimir Medinski başçılıq edir. Heyətdə həmçinin xarici işlər nazirinin müavini Mixail Qaluzin, Baş Qərargahın Baş İdarəsinin rəisi İqor Kostyukov və müdafiə nazirinin müavini Aleksandr Fomin də yer alıb.

Bundan əvvəl aprel ayında Rusiyanın ixrac etdiyi xammal məhsullarının qiymətinin 2023-cü ilin iyunundan bəri ən aşağı səviyyəyə düşdüyü məlum olub. Xammal üzrə CCI indeksi 59,9 punktadək geriləyib.

✍️"Ulusum".az