Futbolçunu zorla öpən Rubiales cəzalanacaq

İspaniya Milli Məhkəməsi futbolçu Cennifer Hermoso ilə razılığı olmadan öpüşən İspaniya Kral Futbol Federasiyasının (RFEF) keçmiş rəhbəri Luis Rubialesə hökm oxuyub. Bu barədə “Tribuna Valyadolid” məlumat yayıb, “Ulusum”.az xəbər verir.

Mənbə iddia edir ki, Rubiales 10 min 800 avro cərimə ödəməli olacaq. Bundan əlavə, ona bir il müddətində Hermosoya 200 metrdən yaxın məsafədən yaxınlaşmaq qadağandır.

İspaniya yığmasının İngiltərə yığmasını məğlub etdiyi (1:0) DÇ-2023 finalından sonra keçirilən mükafatlandırma mərasimində millinin qələbəsinə sevinən Rubiales Hermosonu qucaqlayıb və dodaqlarından öpüb.

Beynəlxalq Futbol Assosiasiyaları Federasiyası (FİFA) məmura qarşı intizam işi açıb. İctimai təzyiq altında Rubiales sentyabrın 11-də istefa verməyə məcbur olub.

Səidə