Boksçularımız “Heydər Əliyev Kuboku-2025”də parlaq nəticələr göstərdi

Bakıda yeniyetmə boksçular arasında keçirilən “Heydər Əliyev Kuboku-2025” beynəlxalq turniri ümummilli lider Heydər Əliyevin 102 illik yubileyinə həsr olunub.


Yarış 19 may 2025-ci ildə başlayıb və bu gün, 21 may 2025-ci il tarixində final mərhələsi ilə başa çatır.


Bakı Boks Mərkəzində keçirilən turnirdə 8 ölkənin idmançıları iştirak edir. Azərbaycan millisinin 6 oğlan və 11 qız boksçusu finala vəsiqə qazanıb.


Qızlar arasında 46 kq, 48 kq, 50 kq və 52 kq çəki dərəcələrində Azərbaycan finalı baş tutacaq. Oğlanların 44 kq çəki dərəcəsində isə iki azərbaycanlı idmançı finalda üz-üzə gələcək.




Artıq 18 idmançımız bürünc medal qazanıb:

- Həsrət Məmmədov, Abdulrahim Məmmədov (hər ikisi 44 kq)
- Qardaş Rəhimov (46 kq)
- Məhəmməd Rəsulov (50 kq)
- Əli Camalzadə (52 kq)
- Sadiq Musayev (54 kq)
- Yusif Həsənli, Əflatun İsmiyev (hər ikisi 57 kq)
- Nurlan Süleymanov (66 kq)
- Adil Zalov (70 kq)
- Nicat İmanov, Hüseyn Vahabov (hər ikisi 75 kq)
- Fatimə Əliyeva, Zəhra Səlimzadə (hər ikisi 54 kq)
- Səma Hüseynova, Mirruqiyyə Abduməcidova (hər ikisi 57 kq)
- Mədinə Məmmədova (60 kq)
- Səma Abbasova (70 kq)




Turnirin qalibləri də bəllidir:

- Aylin Nəzərova (46 kq)
- Gülər Hüseynova (48 kq)
- Əminə Tağı (50 kq)
- Cəmilə Muradlı (52 kq)
- Fidan Bakarova (66 kq)


Final mərhələsi hazırda federasiyada möhtəşəm şəkildə qeyd olunur.



K.Rəcəbova Ulusum.az-a xəbər verir ki, Eduard Məmmədov və Namiq Abdullayev “Heydər Əliyev Kuboku–2025” beynəlxalq turnirində qalib və mükafatçılara medalları və mükafatları təqdim ediblər.