Formula-1: Emiliya-Romanya Qran-prisi Gərginliklə Yadda Qaldı

“Formula-1”in hazırkı çempionu, Red Bull komandasının pilotu Maks Ferstappen İmola şəhərində keçirilən Emiliya-Romanya Qran-prisində qələbə qazanıb.

İkinci yeri britaniyalı Lando Norris (McLaren), üçüncü yeri isə avstraliyalı Oskar Piastri (McLaren) tutub.

İmolada ilk onluğa daxil olan pilotlar: Lüis Hemilton (Ferrari, 4-cü), Aleksander Albon (Williams, 5-ci), Şarl Lekler (Ferrari, 6-cı), Corc Rassell (Mercedes, 7-ci), Karlos Sayns (Williams, 8-ci), İsak Hacjar (Racing Bulls, 9-cu), Yuki Tsunoda (Red Bull, 10-cu).

Bu mövsümdə artıq dörd yarış qazanan Piastri 146 xalla pilotlar cədvəlinə başçılıq edir. İkinci yerdə Norris (133 xal), üçüncü isə Ferstappen (124 xal) qərarlaşıb.

Konstruktorlar Kubokunda lider McLaren-dir (279 xal), onu Mercedes (147) və Red Bull (131) izləyir.

Növbəti yarış 25 may tarixində Monte Karlonun şəhər trasında baş tutacaq.

✍️"Ulusum".az