Yaponiyada avtomobil zavodunda partlayış baş verib

“Ulusum”.az-ın məlumatina görə, Yaponiyanın ictimai televiziyası (NHK) bildirib ki, Aiçi prefekturasının Fujioka şəhərində Toyota avtomobil istehsalçısı üçün komponentlər istehsal edən zavodda partlayış baş verib. Onun sözlərinə görə, 3 nəfər xəsarət alıb, bir fəhlə ölüb.

Yayılan məlumata görə, sənaye toz tutucularından biri partlayıb. Hadisə yerində xilasetmə xidmətləri işləyir.

Asahi qəzetinə istinadən şəhərin yanğınsöndürmə idarəsinin məlumatına görə, Çuo Springsdəki Fujioka zavodunda baş verən partlayış nəticəsində 40 yaşlı kişi ölüb. 40 və 50 yaşlı digər iki işçi isə yüngül xəsarətlər alıb.