Almaniyanın Bielefeld şəhərində atışma olub

DPA xəbər agentliyinin polis sözçüsünə istinadən verdiyi məlumata görə, Almaniyanın qərbindəki Bielefeld şəhərinin mərkəzində atışma nəticəsində ən azı iki nəfər yaralanıb. Hadisə peşəkar boksçu Besar Nimaninin qətli ilə bağlı dinləmələrin keçirildiyi məhkəmə binasının yaxınlığında baş verib.

Lakin hadisədə neçə nəfərin iştirak etdiyi hələlik məlum deyil. Hüquq-mühafizə orqanlarının əməkdaşları genişmiqyaslı əməliyyat keçirir.

İdmançının qətlində təqsirləndirilən şəxs Hüseyn Akkurtdur. O, ötən ilin yayında saxlanılıb. Onun iddia edilən ortaqlarından ikisi hələ də azadlıqdadır.

Səidə