“Rus mafiyası”nın üzvləri saxlanılıb

İspaniya polisi, Avropa Polis Agentliyi (Europol) ilə birgə, "rus mafiyası" üzvlərini həbs edib.

“Ulusum”.az xəbər verir ki, bu barədə Avropa hüquq-mühafizə orqanlarının mətbuat xidməti məlumat yayıb.

Ümumilikdə 14 nəfər saxlanılıb; bunlardan yalnız ikisi rus, digərləri isə erməni, alban, serb, çinli, ukraynalı və kolumbiyalıdır. Bu şəxslər, müxtəlif ölkələrdən olan cinayətkar təşkilatlar üçün aylıq milyonlarla avro məbləğində pul yuyulması xidmətləri göstəriblər.

Əməliyyat zamanı Madrid, Malaga, Marbella, Torremolinos, Coín, Ayamonte və Lisbonda axtarışlar aparılıb. Bu axtarışlar nəticəsində bir milyondan çox avro nağd pul, kriptovalyuta cüzdanı və banknot sayma maşınları ələ keçirilib.

Saxlanılan şəxslər, alban, serb, erməni, çinli, ukraynalı, kolumbiyalı və digər beynəlxalq cinayətkar təşkilatların maliyyə əməliyyatlarını həyata keçirərək, hər ay milyonlarla avro pul yuyulması xidmətləri göstəriblər.

Səidə