Suriya ordusu Həma şəhərinə nəzarəti Bəşər Əsədin əleyhdarlarına verib

Suriya ordusu öz qoşunlarını Həma şəhərindən çıxardığını, şəhərə nəzarəti de-fakto islamçıların rəhbərlik etdiyi üsyançılara verdiyini açıqlayıb.

Ordunun bəyanatında deyilir ki, onun qüvvələri şiddətli döyüşlərdən sonra geri çəkilir və “mülki əhalinin həyatını xilas etmək və şəhər döyüşlərinin qarşısını almaq üçün” bölmələri şəhərdən kənara yerləşdirir.

Üsyançılar Həma həbsxanasını ələ keçirdiklərini və yüzlərlə məhbusu azad etdiklərini elan ediblər.

Üsyançıların Həmanı ələ keçirmək üçün hücumu cəmi iki gün əvvəl başlayıb. Bu, ötən həftə Suriyada müharibəni yenidən alovlandıran Hələbin sürpriz şəkildə ələ keçirilməsindən sonra baş verir.

Eltun Məmmədov