Astarada dənizin nəzarətsiz sularında 29 yaşlı şəxs boğulub

Astarada dənizin nəzarətsiz sularında boğulan 29 yaşlı Şamxal Həsənzadə ilə bağlı bəzi təfərrüatlar məlum olub.

Əmisi İdrak Həsənovun APA-nın cənub bürosuna verdiyi məlumata görə Şamxal nişanlı olub və payızda toyu olacaqdı. "O dünən nişanlısı və qaynanasını evlərində qoyub dostları ilə dənizə çimməyə gedib. Dostlarla birlikdə dənizdə çimərkən Şamxal suda itib. Dostları qışqıraraq onu səsləyiblər. Axtarışların nəticəsiz olduğunu görənlər aidiyyəti üzrə məlumat veriblər".

Qeyd edək ki, axtarışlar davam edir. Əraziyə FHN-nin iki qrupu 18 nəfər canlı qüvvə və iki qayıq cəlb olunub.

Eltun Məmmədov