Rusiyaya PUA hücumu olub

Gecə saatlarında pilotsuz təyyarələr Rusiyanın Lipetsk vilayətindəki aerodroma hücum edib, azı 6 nəfər yaralanıb.

Lipetsk vilayətinin başçısı İqor Artamonov səhər saat üç radələrində hücum barədə məlumat verib. Onun sözlərinə görə, hücum nəticəsində “energetika infrastrukturu obyekti” zədələnib və bu da elektrik enerjisinin verilişində fasilələrə səbəb olub.

Daha sonra Artamonov dörd yaşayış məntəqəsinin boşaldılmasını elan edib: Koptsevy Xutor, Fedorovka, Yakovlevka, Tynkovka.

Eltun Məmmədov