Lerikdə torpaq sürüşməsi baş verib, Lənkəran - Lerik yolu bağlanıb

Lerikdə torpaq sürüşməsi baş verib, Lənkəran - Lerik yolu bağlanıb.

Hazırda ərazidə texnikalar işləyir.

Ulusum.az-ın məlumatına görə, bu gün günorta saatlarında hava şəraitinin dəyişməsi və Lerik rayonunda güclü leysan, dolu düşməsi nəticəsində dağlarda torpaq sürüşməsi, uçqun baş verib. Torpaq sürüşməsi əsasən Lerik - Lənkəran magistralının 37 km - də Lerik rayonunun Peştətük kındi ərazidə baş verib. Hazırda əraziyə 52 saylı Lerik yol istismar MMC-nin ağır texnikaları və canlı qüvvəsi cəlb olunub. Yolun qismən açıldığı bildirilir. Kənd sakinlərinin sözlərinə görə ilk dəfə idi belə bir hadisə ilə qarşılaşırlar. Kənd ərazisinə düşən dolunun taxılçılığa ciddi ziyan vuracağı qeyd olunur.

Rayon ərazisində axşama doğru hava şəraitinin daha da kəskin dəyişəcəyi bildirilir.
Hazırda yolun tam açılması istiqamətində işlər davam etdirilir.

Eltun Məmmədov