Lerikdə 3 gündür bağlı qalan yol tam açıldı

Lerik rayonunun Çayrud kəndinə gedən yol açılıb.

Lerik rayonunda bağlı qalan Çayrud kənd yolu bu gün tam olaraq açılıb.
Bu barədə Ulusum.az-a Çayrud kəndi üzrə icra nümayəndəsi İlkin Hüseynov məlumat verib.

İcra nümayəndəsinin sözlərinə görə, səhər saatlarından əraziyə xüsusi texnika "Ruksun" gətirilib.

Həmin texnikanın vasitəsilə yolda qalan iri qaya parçaları partladılıb və yoldan kənarlaşdırılıb.

Hazırda yolda nəqliyyatın hərəkəti tam olaraq bərpa olunub.

Bildirək ki, 3 gün bundan əvvəl Lerik rayonunun Çayrud kəndində dağ uçqunu baş vermişdi. Nəticədə rayonun Çayrud kəndinə gedən yol bağlı idi.

Eltun Məmmədov