ABŞ vətəndaşı Təl-Əvivdə terror planladı – Hədəf: Tramp və səfirlik

İsraildə, ABŞ-ın Təl-Əvivdəki səfirliyinin filialına hücum etməyə cəhd edən və sosial şəbəkələrdə ABŞ prezidenti Donald Trampı öldürəcəyi ilə bağlı hədələr yazan amerikalı şəxs saxlanılıb. Bu barədə The Daily Beast məlumat yayıb.

ABŞ-ın baş prokuroru Pem Bondi şübhəlinin ABŞ-a ekstradisiya olunmasından sonra bildirib:

“Təqsirləndirilən şəxs İsraildəki səfirliyimizə dağıdıcı hücum planlaşdırmaqda, amerikalılara və prezident Trampın həyatına qarşı ölüm hədəsi verməkdə ittiham olunur.”

ABŞ Ədliyyə Nazirliyinin məlumatına görə, saxlanılan şəxs – 28 yaşlı ABŞ vətəndaşı Cozef Noymayer – ötən həftə Təl-Əvivdəki səfirlik filialına gedərək qəsdən mühafizəçiyə tüpürüb. Mühafizəçi onu saxlamağa çalışsa da, Noymayer hadisə yerindən qaçaraq orada içində üç ədəd yandırıcı maye ilə dolu şüşə olan çantasını atıb.

Ulusum.az