Araz Musayevin Türkiyədə bıçaqlanmasının dəhşətli anları kamerada

Azərbaycan Muay Tay Federasiyasının prezidenti və 9 qat dünya çempionu Araz Musayev Türkiyədə bıçaqlanıb. Hadisə Antalya şəhərində, İFMA dünya çempionatı zamanı baş verib. Azərbaycandan 14 nəfərlik heyət turnirdə iştirak edir və Araz Musayev bu heyətə rəhbərlik edir.

Dünən keçirilən görüşdə Azərbaycan yığmasının üzvü yarımfinala yüksəlib. Bu gün isə günorta saatlarında Araz Musayevlə türkiyəli idmançı arasında mübahisə yaranıb. Mübahisə arenada təşkilatçılar tərəfindən sakitləşdirilsə də, nahar fasiləsində Musayevlə türkiyəli nümayəndə heyətinin rəhbəri arasında yenidən münaqişə başlayıb. Onlar arenanın binasından çıxaraq küçədə dava etməyə davam ediblər.

Nəticədə Araz Musayev kürək nahiyəsindən bıçaqlanıb. O, dərhal xəstəxanaya çatdırılıb və əməliyyat olunub. Hazırda vəziyyəti ağır, amma stabil olaraq qiymətləndirilir.



Ulusum.az