Selfi faciəsi: İspaniyada turistin həyatı arxaya yıxılaraq sona yetdi

İngiltərəli turist İspaniyada faciəvi şəkildə həyatını itirib.

"Olive Press"in məlumatına görə, hadisə aprelin 12-də Seqoviya şəhərindəki qədim Roma su kəmərində baş verib.

63 yaşlı turist, dostları ilə birgə orada olub və Postiqo del Konsuelo baxış nöqtəsində fotoşəkil çəkdirmək istəyərkən, məhəccərlərlə qorunmayan kənarda oturub. O, şəkil çəkdirdiyi zaman arxaya yıxılıb və ağır zədələr alıb. Hadisə yerinə gələn təcili yardım briqadaları hər şeyi edib, amma həkimlər onu xilas edə bilməyib.