Smartfonlardakı hava proqnozları bizi aldadır? - EKSKLÜZİV

Texnologiyanın inkişaf etdiyi bir dövrdə kiçik cihaz olan telefon bir çox funksiyaları yerinə yetirir. Son dövrlərdə isə hər birimiz üçün vacib olan müəyyən xidmətlər də telefon vasitəsilə daha əl çatan olub, bunlardan biri də hava proqnozu proqramlarıdır.
Əksər insanlar xüsusi günlərini, hətta toy günlərini telefondakı məlumata uyğun olaraq təyin edirlər.

Amma həmin proqnozların bəzən özünü doğrultmadığını deyənlər də az deyil.

ULUSUM.az saytının növbəti araşdırması - Smartfonlardakı hava proqnozları proqramlarına inanmaq olarmı? - sualının cavabına yönəlib.

Milli Hidrometeorologiya Xidmətinin Hidrometeoroloji Proqnozlar Bürosunun direktoru Gülşad Məmmədovanın cavabı:

“Milli Hidrometeorologiya Xidmətinin proqnozları ən dəqiq məlumat kimi göstərilir. Hava xəbərləri hər gün yenilənir və ictimaiyyətə hər gün yeni məlumatlar təqdim olunur. Smartfonlarda olan məlumatları bizdən əldə etmirlər. Qeyd edim ki, qurumun meteo.az saytında hər günün və həftənin proqnozları göstərilir. Hava ilə bağlı xəbərdarlıqlar da anında həmin saytda dərc olunur”.

Gülşad Məmmədova həmçinin, vətəndaşları havadan halı olmaq üçün yalnız rəsmi məlumata əsasllanmağa çağırıb.

Qeyd edək ki, son zamanlar insanlar smartfonlardakı məlumatlardan çox şikayət edir. Məlumatlarına əksəriyyətinin yalan olduğu barədə xəbərlər dolaşır.

Ağa Dadaşzadə