CNN Türk: Türkiyədəki oteldə yanğın zamanı bir ailənin 14 üzvü həyatını itirib - FOTO

Türkiyədə baş verən yanğın nəticəsində bir ailənin 14 üzvü həyatını itirib.

“Ulusum”.az xəbər verir ki, bu barədə CNN Türk məlumat verib.

Türk Hava Yolları şirkətinin satış departamentində çalışan Zehra Sena Gültekin, həyat yoldaşı, üç uşağı və doqquz yaxın qohumu ilə birlikdə alovun qurbanı olub.

Yanğın anında Zehra anasına zəng edərək üzr istəyib.

21 yanvar tarixində Türkiyənin Bolu vilayətindəki Kartalkaya dağ-xizək kurortunda yerləşən Grand Kartal otelində dağıdıcı yanğın baş verib. Yanğın baş verən zaman 12 mərtəbəli binada 237 qonaq, o cümlədən uşaqları ilə birlikdə tətilə gələn ailələr olub.

Yanğınla bağlı aparılan istintaq çərçivəsində oteldə 11 nəfər saxlanılıb, aralarında Bolu şəhər meri müavini, əyalət yanğın xidməti direktorunun müavini və otel sahibi də var.






Səidə.