Baş nazir İSTEFA VERDİ - EKSKLÜZİV

Haitidə quldur dəstələrinin törətdiyi zorakılıqlardan və gərgin etirazlar səbəbindən baş nazir Ariel Henrinin istefa verdiyi bildirilir.
ULUSUM.az saytının xarici KİV-ə istinadən verdiyi məlumata görə, bununla bağlı Nazirlər Şurasına istefa məktubu yazaraq onu sosial media hesabında paylaşan Henri vəzifəsindən istefa verdiyini rəsmən bəyan edib.

Henri məktubunda "Mövcud vəziyyəti nəzərə alaraq hökumətimin istefasını təqdim edirəm. Bu münasibətlə kabinet üzvlərini, dövlət idarəçiliyini, təhlükəsizlik qüvvələrini, əməyi keçən hər kəsi və məni müşayiət edən bütün vətənpərvərləri təbrik edirəm," – deyə qeyd edib.

Henrinin istefasından dərhal sonra maliyyə naziri Patrik Boisvert baş nazirin səlahiyyətlərinin icrasına başlayıb.

Qeyd edək ki, baş nazir Ariel Henri daha öncə də istefa verdiyini açılasa da vəzifəsini davam etdirmişdi.

Aymirə Ağamirova