Bir ayda 3 meşə yanğını törətdi: “Məmurlara əsəbləşib onları yandırdım”

Antalyanın Manavgat rayonunda son bir ayda 3 fərqli nöqtədə yanğınlar törətdiyi və 4 hektar meşə sahəsinə ziyan vurduğu aşkarlanan çoban Murat Kaya jandarma tərəfindən yaxalanıb. Yanğınları meşə idarəsi və elektrik paylayıcı şirkət işçilərinə əsəbiləşdiyi üçün başladığını etiraf edən 33 yaşlı Kaya həbs edilib.

Ulusum.az xəbər verir ki, Antalyanın Manavqat rayonundakı Beşkonak Köprülü Kanyon Milli Parkında son bir ayda 3 fərqli yerdə meşə yanğınları baş verib.
4 hektar meşə sahəsinə ziyan dəymiş yanğınlarla bağlı Respublika Baş Prokurorluğunun göstərişi əsasında Rayon Jandarma Komandanlığı Jandarma Cinayət Axtarış Qrupu (JASAT) tərəfindən araşdırma aparılıb.
Son illər təbii gözəlliyi ilə ölkə gündəmində olan Tazı Kanyonu ətrafında yanğınların davamlı olaraq baş verdiyini və tender nəticəsində bölgənin idarəçiliyinin Manavqat Bələdiyyəsinə verildiyini nəzərə alan JASAT qrupları Qazilər rayonu ətrafında araşdırmalarını gücləndirdilər.

İyulun 3-də baş verən son yanğından sonra aparılan araşdırmalar nəticəsində şübhəlinin rayonda çoban işləyən Murat Kaya olduğu müəyyən edilib.
Aymirə Ağamirova