Xətaidə avtomobil sexi yandı

Xətai rayonunda avtomobil sexində yanğın olub.

Fövqəladə Hallar Nazirliyindən Ulusum.az-a verilən xəbərə əsasən, Bakı şəhərinin Xətai rayonunda ümumi sahəsi 15 m² olan avtomobil rəngləmə sexinin ondulindən ibarət dam örtüyünün yanar konstruksiyaları, içərisinə yığılan ehtiyat hissələri qismən, 1 ədəd su sayğacı və 1 ədəd elektrik açarı yanıb.

Sexin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.