İtkin düşmüş Azərbaycan əsgəri ilə bağlı Ermənistanın açıqlaması

Ermənistan Milli Təhlükəsizlik Xidməti Azərbaycan Ordusunun itkin düşmüş hərbi qulluqçusu ilə bağlı yayılan xəbərlərə münasibətini açıqlayıb.

Ulusum.az xəbər verir ki, bu barədə Ermənistan KİV-i məlumat verib.

Məlumatda qeyd olunub ki, Ermənistan Milli Təhlükəsizlik Xidmətinə Azərbaycan əsgərinin Ermənistan sərhədini keçdiyinə dair məlumat daxil olmayıb.

"Başqa məlumat daxil olarsa, rəsmi açıqlama veriləcək", - Ermənistan MTX-dən bildiriblər.

Qeyd edək ki, Azərbaycan Ordusunun hərbi qulluqçusu əsgər Hüseynov Ceyhun Tofiq oğlu iyunun 9-da Naxçıvan Muxtar Respublikasının Sədərək rayonunun Günnüt yaşayış məntəqəsi istiqamətində naməlum şəraitində itkin düşüb. Hərbi qulluqçumuzun axtarışı ilə bağlı zəruri tədbirlər görülür.