"Neftçi" növbəti mövsüm üçün maliyyə vəsaitini ARTIRACAQ - Eksklüziv

"Neftçi" futbol klubu 2024-25-ci il mövsümü üçün maliyyə vəsaitini artırmaq niyyətindədir.

Ulusum.az-ın əldə etdiyi məlumata görə, klub növbəti mövsüm üçün çempionluğu hədəfləyib.

Belə ki, klub transfer üçün nəzərdə tutulan maliyyə xərclərini artırmaq üçün addımlar atır. Yay transfer pəncərəsində klub daha yaxşı legionerləri kluba dəvət etmək istəyir.

Artıq müəyyən danışıqlar start götürüb, mövsüm başa çatandan sonra müzakirələr müntəzəm xarakter alacaq.

Eyni zamanda baş məşqçi Miodraq Bojoviçin gedişi gündəmdədir. Bojoviç mövsümü gümüş medallarla başa vura bilməsə klubdan göndəriləcək.

Qeyd edək ki, yanvar ayında Miodraq Bojoviç baş məşqçi təyin edilən zaman qarşına Azərbaycan Kubokunun qalibi və Premyer Liqa ikincisi hədəfi qoyulmuşdu.

Artıq Azərbaycan Kubokunda iştirakini başa vuran klub Premyer Liqada gümüş medallar üçün mübarizə aparır.

Ağa Dadaşzadə