4 kiloqram qaçaq qızıl ƏLƏ KEÇİRİLDİ EKSKLÜZİV

Hakkaridə 4 kiloqram qaçaq qızıl ələ keçirildi.

Ulusum.az xəbər verir ki, Hakkarinin Derecik rayonunda gömrükdən qaçaqmalçılıq yolu ilə gətirilən 4 kiloqram qızıl, siqaret və cinayət yolu ilə əldə edildiyi hesab edilən müxtəlif miqdarlarda türk lirəsi, dollar və İraq dinarı ələ keçirilib, 5 şübhəli saxlanılıb.
Yerli polisin açıqlamasına görə, bölgədə qaçaqçılıq fəaliyyətlərinin qarşısını almaq üçün işlər davam etdirir.

Bununla bağlı rayonun Anadağ kəndi ərazisində yerləşən 3 iqamətgahda aparılan axtarışda 4 kiloqram gömrük qaçaqmalçılığı ilə dəyəri təxminən 9 milyon 500 min lirə olan qızıl, 21 karton siqaret, 755 İraq dinarı müsadirə edilib.

Bundan başqa cinayət yolu ilə əldə olunduğu güman edilən 126 min 895 Türk lirəsi və 358 min 430 dollar ələ keçirildi.

Nəzarətə alınan 5 şübhəli məsuliyyətə cəlb olunub.

Aymirə Ağamirova