TikTok ABŞ-da ABŞ nəzarətində fəaliyyətini davam etdirəcək

ByteDance şirkəti 19.9% payla ən böyük səhmdar olaraq qalacaq, razılaşmanın 30-45 gün ərzində tamamlanması gözlənilir. Prezident Tramp ABŞ və Çin arasında TikTok-un gələcək fəaliyyətini təmin edən razılaşmanı açıqlayıb

.

ABŞ və Çin arasında TikTok-un ABŞ-da fəaliyyətini davam etdirməsi ilə bağlı razılaşma əldə olunub.

Prezident Donald Tramp çərşənbə axşamı bu barədə məlumat verib. Məsələ ilə tanış olan mənbələr bildirir ki, razılaşma bu ilin əvvəlində müzakirə edilən şərtlərə bənzəyir.

Razılaşmaya əsasən, TikTok-un Amerika aktivləri Çinin ByteDance şirkətindən ABŞ sahiblərinə keçəcək. Bununla da platforma ABŞ nəzarəti altında fəaliyyət göstərməyə davam edəcək.

ByteDance isə ən böyük tək səhmdar olaraq 19.9% payını saxlayacaq. CNBC-nin məlumatına görə, müqavilənin tamamlanması 30-45 gün ərzində gözlənilir.

Bu addım, demək olar ki, bir ildir davam edən və platformanın ABŞ-da qadağan edilə biləcəyi narahatlıqlarını aradan qaldırmaq məqsədi daşıyır.

R.İkramlı
Ulusum.az