Siqareti buraxmağın vaxtıdır, ÇÜNKİ.... EKSKLÜZİV

Siqaretdən asılı olan şəxslər bilə-bilə ölümü yaxınlaşdırırlar. Hətta bu ziyanlı məhsulun üzərində də onun zərərli olduğuna dair məlumat verilsə də, ondan vaz keçməkdə acizdirlər

Ulusum.az saytı xəbər verir ki, müntəzəm olaraq siqaretdən istifadə edənlər onun ağciyərə mənfi təsir etdiyindən məlumatlıdırlar.
Amma əslində, tək ağciyər deyil, bir sıra orqanlarımızı sıradan çıxarır.

Mütəxəssislərin son araşdırmalarına əsasən, siqaretin təsirinə məruz qalan bütün orqan və hissələr bunlardır:

Ağciyər xərçəngi, xroniki obstruktiv ağciyər xəstəliyi (KOAH) və ürək-damar xəstəlikləri siqaretlə bağlı ölüm hallarının əsas səbəblərindəndir.

Bu vərdişin sağlamlığa zərərli təsirləri məlumdur, lakin zəhərli tüstüyə məruz qaldıqdan sonra bədənin hansı orqanları və hissələri təsirlənir?

İlk növbədə, oynaq ağrılarından və iltihabından əziyyət çəkən siqaret çəkənlərdə revmatoid artrit daha çox inkişaf edir.

Dəri. Siqaret dərinin qocalma prosesini sürətləndirə bilər. Üstəlik, bu prosesin çıxış yolu yoxdur.

Gözlər. Siqaret çəkən insanlar oxumaq və yazmaq qabiliyyətini tədricən məhdudlaşdıran göz xəstəliyi olan makula degenerasiyasından daha çox əziyyət çəkirlər.

Genital orqan. Siqaret çəkən kişilərdə erektil disfunksiya və testis xərçənginə daha çox rast gəlinir. Eyni zamanda, siqaret çəkən qadınlar uşaqlıq boynu xərçənginə meyillidirlər.

Diş əti. Siqaret diş ətinin qanaması, ağız qoxusu və diş itkisi riskini artırır.

Vərdişdən ən çox əziyyət çəkən orqanlardan biri beyindir. Pis vərdiş insult, qan laxtalanması və anevrizmaların inkişaf ehtimalını artırır.

Siqaretin ən çox zərbə vurduğu hissə həzm sistemidir. Siqaret çəkirsinizsə, qaraciyər və mədəaltı vəzi təsir edən tip 2 diabetin inkişaf ehtimalı 35% daha yüksəkdir.

Siqareti zərəri baxımdan nəfəsimizi təmin edən ağciyərin də payı heç də az deyil.

Ağciyər xərçəngi demək olar ki, həmişə siqaretlə əlaqələndirilir. Vərdiş həmçinin ağız, böyrək, qaraciyər, sidik kisəsi, mədəaltı vəzi, mədə, kolon və düz bağırsaq xərçənginin inkişaf ehtimalını artırır.

Ürək həmişə olduğu kimi ilk zərbə alan orqandır. Siqaret ürək-damar xəstəliklərinə səbəb ola bilər.

Ümumilikdə, ÜST-nin statistikası göstərir ki, hər il 8 milyondan çox insan tütündən istifadə nəticəsində ölür.

Bu cür vacib orqanları sıradan çıxartdığını nəzərə alsaq, heç kəs istəməz ki, yarımcan olsun yaxud həyatdan nakam köçsün...

Siqareti nə qədər tez tərgitsəniz, orqanlarınızı o qədər tez xilas etmiş olarsınız...

Rəşad Ələkbərov