EŞŞƏK deyib keçməyin! VİDEO - EKSKLÜZİV

Şəkildə gördüyünüz bu eşşək Türkiyədə "məşhurlaşdı".

“Eşşək nə bilir zər-palan nədir”, "Eşşək nə bilir xurmanın dadını".. Bu və digər ifadələr yaxud insanların təhqir mənasında işlətdikləri "eşşək" bu heyvanı gülünc hədəfinə çevirməklə bərabər, ona qeyri-ciddi münasibət formalaşdıran amillərdir.

Bu günlərdə isə qardaş ölkədə baş verən hadisə göstərdi ki, ulaq heç də ciddiyə alınmayan heyvan deyil.

Ulusum.az saytının xəbərinə görə, Kayseridə sahibsiz uzunqulaq (eşşək) yolu keçmək istəyən 59 yaşlı Eşme D.-ni dişləyib, nəticədə qadın xəsarətlər alıb.

Ətrafdakıların çağırışı ilə əraziyə polis və təcili yardım qrupları cəlb edilib.

Təcili yardım briqadası yaralı qadını dərhal Bünyan Dövlət Xəstəxanasına çatdırıb.

Məlum olub ki, sahibsiz heyvan qadının bədəninin müxtəlif yerlərinə dişi ilə xəsarətlər yetirib. Eşme D. müvafiq müalicə aldıqdan sonra evə buraxılıb.
EŞŞƏYİN CƏZASI...
Dişləmə hadisəsindən sonra ətrafdakı insanlar tərəfindən ağaca bağlanan eşşək polis tərəfindən mühafizə altına alınıb.
Qısa vaxtda onun ağaca bağlanan şəkli sosial mediada yayılıb. Bunu görən Bünyan Bələdiyyəsi və Kayseri Heyvanları Qoruma Dərnəyi (KAYHAKDER) qrupları hərəkətə keçib. Eşşək polis qrupları tərəfindən qoruma altına alınıb.

Kayseri Heyvanları Qoruma Dərnəyinin səlahiyyətliləri heç bir əks təsir olmadığı halda, eşşəklərin hücum etməsinin mümkün olmadığını bildiriblər.

Qeyd edək ki, aparılan yoxlamalar zamanı heyvanın səhhətində hər hansı problem aşkarlanmayıb, vəziyyəti normal qiymətləndirilib.

Bu hadisə onu göstərdi ki, "Eşşək deyib keçməməlisiniz!". Əks halda sizin də aqibətiniz 59 yaşlı qadının aqibəti kimi ola bilər...

"Dünyada heç bir eşşək çox işləməkdən ölməyib", qənaətinə gələn insanlar onun bu davranışını inadkarlıq kimi qiymətləndirirlər.

Görünür, bu hadisə də həmin inadın nəticəsi olub...
Aymirə Ağamirova