Almaniyada Ümummilli Liderin doğum günü ilə əlaqədar İDMAN FESTİVALI - FOTO EKSKLÜZİV

Azərbaycan Respublikasının Diasporla üzrə Dövlət Komitəsinin dəstəyi ilə Almaniyanın Maqdeburq (Barleben) şəhərində Ulu Öndər Heydər Əliyevin doğum günü və Naxçıvan Muxtar Respublikasının 100 illiyi ilə əlaqədar idman festivalı keçirilib. Yarışda 6-18 yaşlı uşaqlardan ibarət idman festivalı və Almaniyada təsis edilmiş Diaspora Boks Liqasının boksçularının iştirakı ilə müxtəlif idman növləri nümayiş olunub. Yarışlarda fərqlənən idmançılar medallar və hədiyyələrlə mükafatlandırılıb.

Ulusum.az xəbər verir ki, Maqdeburq şəhərində soydaşımız Yaşar Niftəliyev tərəfindən təsis olunmuş, Ulu Öndər Heydər Əliyevin adını daşıyan Dünya Boks Komitəsinin, Diaspora Boks Liqasının təşkilatçılığı və Diasporla İş üzrə Dövlət Komitəsinin dəstəyi ilə ənənəvi olaraq hər il Almaniyada Ulu Öndərin doğum günü geniş miqyasda qeyd olunur.

Festivalda məqsəd, Ümummilli Liderin idmanla bağlı tövsiyələrinə əməl etmək, dünyanın müxtəlif ölkələrində yaşayan azərbaycanlı, eləcə də digər xalqların idmançı nümayəndələri ilə əlaqələrin qurulması, üçrəngli bayrağımızın dünya arenalarında dalğalandırılması, Ulu Öndər adını daşıyan Dünya Boks Komitəsinin təsis etdiyi Dünya Boks Komitəsinin kəmərinin 5 nüfuzlu kəmər sırasına düşməsidir.

Rəşad Ələkbərov