Rusiyanın iki bölgəsində "Telegram" bloklanıb

Rusiya Federasiyasının iki bölgəsində — Dağıstanda və Çeçenistanda — yerli hüquq-mühafizə orqanlarının tələbi ilə populyar Telegram mesajlaşma proqramı bloklanıb. Bu barədə Dağıstan Respublikasının Rəqəmsal İnkişaf naziri Yuri Qamzatov məlumat verib. “Ulusum”.az xəbər verir ki, onun sözləri TASS agentliyi tərəfindən yayımlanıb.

Buna görə də, 8 mart şənbə günü "Telegram", Şimali Qafqaz Federal Dairəsinin (ŞQFD) iki bölgəsində fəaliyyətini dayandırıb, deyə yerli idarə rəisi bildirib. O, gələcəkdə Dağıstanda və Çeçenistanda populyar mesajlaşma proqramından istifadə etməyin mümkün olacağını istisna etməyib, lakin bərpa olunma müddəti ilə bağlı konkret vaxt göstərməyib. "Bəlkə, gələcəkdə Telegram bərpa edilər", — deyə Qamzatov yekunlaşdırıb.

Bu qərarın əsas səbəbi kimi o, Telegramın "düşmənlər tərəfindən istifadəsini" göstərib. Onun sözlərinə görə, buna nümunə olaraq 2023-cü ilin oktyabr ayında Mahacqala hava limanında baş vermiş kütləvi iğtişaşlar göstərilə bilər. Qamzatov yerli sakinlərə internetdə ünsiyyət qurmaq üçün Telegrama alternativ variantlardan istifadə etməyi tövsiyə edib. "Yaxşı analoqlar var, məsələn, VK (VKontakte sosial şəbəkəsi)", — deyə o, əlavə edib.