Trampa "Əfqan sindromu" ilə üzləşəcəyi proqnozu verilib

Prezident Donald Tramp və Vlodimir Zelenski arasında Ağ Ev mübahisəsindən sonra ABŞ-ın Ukraynaya hərbi yardımına mümkün son qoyulması əsl fəlakət olardı. “Ulusum”.az xəbər verir ki, bu barədə “The Washington Post” qəzetinə adının açıqlanmasını istəməyən qərbli diplomat deyib.

Nəşrin həmsöhbəti qeyd edib ki, indi Oval kabinetdə Ukrayna üzrə uğursuz danışıqlardan sonra “hər şey avropalılardan və onların müttəfiqlərindən asılıdır”.

“Buna görə də mən həqiqətən ümid edirəm ki, onlar [Avropada] həqiqətən də ayılacaqlar” deyə diplomat əlavə edib və gələn həftə Avropa ölkələrinin Ukraynanın hərbi sənayesinə dəstəyi müzakirə edəcəklərini xatırladıb.