Makron Vaşinqton səfərinin nəticələrini Aİ liderlərinə təqdim edəcək

Fransa prezidenti Emmanuel Makron, Vaşinqtona etdiyi səfərin nəticələrini Avropa İttifaqının digər liderlərinə videokonfrans vasitəsilə təqdim edəcək.

“Ulusum”.az xəbər verir ki, bu barədə Avropa Şurasının prezidenti Antonio Kosta özünün X sosial şəbəkəsindəki səhifəsində bildirib.

"Kritik Avropa Şurası iclasına hazırlıq məqsədilə sabah səhər Avropa Şurası üzvləri ilə videokonfrans təşkil edəcəyəm ki, Emmanuel Makronun Vaşinqtona son səfəri barədə hesabatını dinləyək", - Kosta bildirib.

Fevralın 24-də Makron Ağ Evə səfər edib. Avropa ölkələrinin liderinin ABŞ-a ilk səfəri əsasən Ukrayna münaqişəsinin həlli müzakirələrinə həsr edilib.

Britaniya qəzeti "The Guardian" Fransa liderinin ABŞ-dan Avropa üçün sevindirici xəbərlərlə dönmədiyini vurğulayıb. Jurnalistlər qeyd ediblər ki, Makron ABŞ prezidentinin Ukrayna münaqişəsi ilə bağlı mövqeyini dəyişə bilməyib.

Səidə