Cənubi Koreya ordusu yeni ballistik raket qəbul edib

Cənubi Koreya ordusu yeraltı bunkerləri məhv etmək üçün nəzərdə tutulmuş yeni taktiki ballistik raketi qəbul edib. “Ulusum”.az xəbər verir ki,
bu barədə Yonhap agentliyi Cənubi Koreyanın Birləşmiş Qərargah Rəislərinə istinadən məlumat yayıb.

Yeni raket 180 kilometr uçuş məsafəsinə malikdir. O, mağaralarda və ya yeraltı tunellərdə yerləşən Şimali Koreyanın uzaqmənzilli artilleriya sistemlərinə dəqiq zərbələr endirməyə qadirdir.

Cənubi Koreya hərbçilərinin fikrincə, yeni silah münaqişə zamanı bütün paytaxt regionu üçün təhlükə yaradan Şimali Koreya artilleriyasını tez bir zamanda yatırmağa imkan verəcək.

Səidə