Diplomatik vizalarla bağlı problemlər

"Rusiya diplomatları və nümayəndələri ABŞ-a vizaların verilməsi ilə bağlı problemlərlə üzləşməkdə davam edir və BMT Baş katibi Antoniu Quterreş bu məsələnin həlli üçün öz öhdəliklərini yerinə yetirmir".

“Ulusum”.az xəbər verir ki, bunu Rusiya BMT-dəki daimi nümayəndəliyinin müavini Dmitri Polyanovski TASS-a bildirib. Onun sözlərinə görə, Quterreş ABŞ tərəfinin ciddi pozuntularından xəbərdardır.

Viza verilmesi və yenilənməsi ilə bağlı gecikmələr davam edir və Moskvanın nümayəndələri də bu problemlərlə üzləşirlər. Xüsusən, ötən ilin oktyabrında ABŞ-ın Rusiya nümayəndələrinə BMT Baş Assambleyasının I Komitəsinin sessiyasına viza verməməsi səbəbindən xüsusi iclas çağırmağı tələb etdiklərini bildirib.

Rusiya BMT Baş katibinə xatırladır ki, belə hallarda arbitraj prosesinin başlatılması onun öhdəliyidir, seçiminə görə deyil. Lakin Quterreş bu məsələyə
"dəvəquşu" mövqeyi ilə yanaşaraq, ABŞ ilə danışıqlarda irəliləyiş əldə edildiyini iddia edir.

Səidə