Tramp administrasiyası hər gün 1800 miqrantın saxlanmasını tələb edib

ABŞ prezidenti Donald Trampın administrasiyası ölkədə qeyri-qanuni yaşayan miqrantların sayını gündə 1800-ə qədər artırmaq qərarı verib.

“Ulusum”.az xəbər verir ki, bu barədə The New York Post (NYP) məlumat yayıb.

Yeni prezidentin andiçmə mərasimindən sonra ABŞ hüquq-mühafizə orqanları 4500-dən çox qeyri-qanuni miqrantın saxlanılmasını həyata keçirib. Həmçinin, polis bir sıra böyük şəhərlərdə, o cümlədən Nyu-York və Çikaqoda reydlər keçirib.

Bununla belə, Ağ Ev qeyri-qanuni miqrantlara qarşı mübarizənin sürətləndirilməsini tələb edib. "Administrasiya... Miqrasiya və Gömrük Polisiyasından (ICE) hər gün ən azı 1800 saxlanma əməliyyatı həyata keçirməsini tələb edir", – deyə məlumatda bildirilir.

Səidə