Türkiyədə 2017-ci ildə gecə klubuna hücum etmiş terrorçuya ömürlük həbs cəzası verilib

Türkiyə Ali Məhkəməsi 2017-ci ildə İstanbulda "Reina" gecə klubunda törədilən terror aktına görə Özbəkistan əsilli Abdulgadir Maşaripovun aldığı 40 dəfə ağırlaşdırılmış ömürlük həbs cəzasını təsdiqləyib.

“Ulusum”.az-ın məlumatina görə, bu barədə CNN Türk xəbər verib.

Məhkəmə məhkumun vəkillərinin şikayətini araşdırıb və hökmün qanun normalarına zidd olmadığını qərara alıb.

2020-ci ildə Maşaripov 39 nəfərin qəsdən öldürülməsi, 79 nəfərin öldürülməsinə cəhd və digər cinayətlərdə təqsirli bilinərək, ağırlaşdırılmış 40 dəfə ömürlük həbs cəzasına və hər maddə üzrə 1 368 il həbs cəzasına məhkum edilmişdi.

Hadisə 1 yanvar 2017-ci ildə İstanbulun Ortaköy rayonunda yerləşən "Reina" gecə klubunda baş verib. Terrorçu klubun girişində bir polisi öldürdükdən sonra avtomatla izdihama atəş açıb. Yeni il qeyd edən 700-800 nəfərdən bir neçə nəfər Bosfora tullanaraq canını qurtarmağa çalışıb. Hücuma görə məsuliyyəti "İslam Dövləti" qruplaşması öz üzərinə götürüb.


Səidə


Səidə