Tramp: Putinin Ukrayna ilə bağlı razılaşmadan imtina etməsi Rusiyanı məhv edə bilər

"Əgər Rusiya Ukraynadakı münaqişənin həlli ilə bağlı razılaşmadan imtina edərsə, ölkəni böyük problemlər gözləyir".

CNN xəbər verir ki, bunu ABŞ prezidenti Donald Tramp jurnalistlərə ilk açıqlamasında deyib.

Tramp həmçinin qeyd edib ki, Rusiya prezidenti Vladimir Putinlə mümkün qədər tez görüşmək istəyir. Görüşün əsas mövzusu Ukraynadakı münaqişə üzrə sülh sazişi olmalıdır. Tramp, bu istiqamətdə artıq bəzi addımların atıldığını da qeyd edib.

Bununla yanaşı, Ağ Ev-in rəhbəri görüşün nə zaman və harada keçiriləcəyini dəqiq deməyib. Eyni zamanda, prosesin artıq başladığını vurğulayıb.

"Biz bunu mümkün qədər tez həyata keçirməyə çalışacağıq. Bildiyiniz kimi, Ukrayna ilə Rusiya arasındakı müharibə heç vaxt başlamamalı idi", — deyə Tramp əlavə edib.

Moskva, ABŞ-ın yeni seçilmiş prezidenti ilə ikinci dəfə prezident vəzifəsinə başlaması münasibətilə təbriklərini göndərib. Kremlin nümayəndələri isə bildirib ki, Moskva Tramp ilə dialoqa başlamağa hazırdır və Rusiya, amerikalı siyasətçinin əlaqələrin bərpasına ehtiyac olduğuna dair verdiyi siqnalları qəbul edir.


Səidə