Makron: Avropa "ayılmalı" və öz müdafiə potensialını gücləndirməlidir

"Avropa "ayılmalı" və müdafiə potensialını gücləndirməlidir".

Bunu Fransa Prezidenti Emmanuel Makron, ABŞ-da Donald Trampın prezidentliyə gəlməsi fonunda ölkəsinin hərbçilərinə bildirib, məlumati "Newsweek" verir.

Siyasi lider qeyd edib ki, ABŞ liderinin dəyişməsi, "Avropa strateji ayılmasını" başlatmaq və Avropa ölkələrinin Birləşmiş Ştatlara olan asılılığını azaltmaq üçün bir fürsət ola bilər.

Makron, əgər Tramp Aralıq dənizindən Amerikanın hərbi gəmilərinin çıxarılması barədə fərman imzalasa və Vaşinqtonun əsas diqqəti Sakit Okeana yönələcəksə, qitənin özünü müdafiə edə biləcəyinə şübhə edib.

Fransa lideri həmçinin Avropa ölkələrini dünya səhnəsindəki dəyişikliklərə hazırlamağa çağırıb. O, Avropanın Ukraynanın mövqelərini gələcək sülh danışıqlarında gücləndirmək üçün aktiv hərbi və maliyyə yardımlarına xüsusi diqqət yetirməli olduğunu vurğulayıb.


Səidə