XAMAS: İsrail əsirlərinin sayısı Fələstin məhbuslarına bağlı olacaq

HAMAS hərəkatı, Qəzza sektorunda azad ediləcək İsrail əsirlərinin sayının, İsrail həbsxanalarından azad ediləcək Fələstin məhbuslarının sayından birbaşa asılı olacağını açıqlayıb. “Ulusum”.az xəbər verir ki, məlumati rusiya mətbuati yayib.

Fələstin hərəkatı tərəfindən yayılmış bəyanatda vurğulanır ki, əsir dəyişdirilməsi mərhələli şəkildə həyata keçiriləcək və hər mərhələdən əvvəl azad ediləcək fələstinlilərin siyahısı dərc ediləcək.

HAMAS-ın sözlərinə görə, bu proses atəşkəs şərtləri çərçivəsində razılaşdırılmış mexanizmə uyğun tənzimlənir. Məlumata görə, 19 yanvarda yerli vaxtla saat 08:30-da baş tutacaq birinci mərhələdə üç israilli əsirin azad edilməsi nəzərdə tutulur.

Hər iki tərəfdən azad edilən əsirlərin sayı, digər tərəfdən hər bir mərhələdə azad edilən məhbusların sayına görə müəyyən ediləcək.

Səidə Mustafa