Netanyahu, "atəşkəsdən sonra müharibənin yenidən başlayacağını" gizli şəkildə vəd edib

İsrailin baş naziri Benjamin Netanyahu, hökumət koalisiyasını parçalanmaqdan qorumaq üçün ultra-sağçı tərəfdaşlarına Qəzza ərazisində müharibənin yenidən başlaya biləcəyini vəd edib.

“Ulusum”.az xəbər verir ki, bu barədə "Washington Post" (WP) qəzetində mənbələrə istinadən məlumat verilir.

Qəzetin qeyd etdiyi kimi, Netanyahu ultra-sağçı müttəfiqlərinə, "ilk mərhələ olan 42 günlük atəşkəsdən sonra müharibənin yenidən başlayacağını" gizli şəkildə vəd edib.

Qəzza ərazisində atəşkəsin əldə edildiyi və HƏMAS hərəkatı ilə razılaşmanın əldə edildiyi barədə xəbərlərin ardından Netanyahu, əsas müttəfiqlərindən - Maliyyə naziri Bezalel Smotriç və Milli Təhlükəsizlik naziri Itamar Ben-Gvirin sərt tənqidlərinə məruz qalıb. Onlar hökumətdən çıxmaqla hədələyiblər.

Səidə Mustafa