Çinli hakerlər ABŞ maliyyə naziri Janet Yellen-in kompüterini sındırıblar

Bloomberg agentliyinin məlumatına görə, hakerlər ABŞ maliyyə naziri Janet Yellen-in kompüterində 50-dən çox fayla daxil olublar. Bundan əlavə, onların iki köməkçisinin — müavin nazir Valli Adeyemo və nazir müavini Brad Smith-in kompüterlərinə də daxil olmağı bacardıqları bildirilir.

Hakerlərin diqqətini əsasən ABŞ xəzinədarlığının sanksiyalar, kəşfiyyat və beynəlxalq məsələlərdəki rolu çəkib, lakin onlar nazirliyin elektron poçtuna və gizli sistemlərinə daxil ola bilməyiblər. Hücumla bağlı Senatda məlumat verilib və xatırlanıb ki, hakerlər yalnız nazirlərdən deyil, həm də 400-dən çox işçilərin kompüterlərinə daxil olub, istifadəçi adları və parolları əldə ediblər.

ABŞ xüsusi xidmət orqanlarının verdiyi məlumata görə, bu hücum Silk Typhoon və UNC5221 adlı haker qrupları tərəfindən həyata keçirilib. Təhlükəsizlik açarlarının oğurlanması ilə hakerlər müəyyən iş sistemlərinə daxil olub və onlarda saxlanılan sənədləri əldə ediblər.

Səidə Mustafa