Qrenlandiya Dənimarka tərkibində qalmaq və ya ABŞ-a birləşmək istəmədiyini bəyan edib

Qrenlandiyanın baş naziri Mute Egede, Financial Times (FT) nəşrinə verdiyi açıqlamada, adanın gələcəyinə dair mövqeyini sərt şəkildə ifadə edib. O, deyib:

"Biz danimarkalı və ya amerikalı olmaq istəmirik, biz qrenlandiyalı olmaq istəyirik. Status-kvo artıq qəbul edilə bilməz. Bizə başqa bir yol tapmalıyıq."

Egede bildirib ki, Qrenlandiya öz müstəqilliyini qorumağa və gələcəyini özü müəyyən etməyə davam etməlidir. Onun sözlərinə görə, Qrenlandiya, öz ərazisinin idarə edilməsində müstəqil olmalı və xarici ölkələrdən olan təzyiqlərə qarşı möhkəm dayanmalıdır.

Qrenlandiya 1721-ci ildən Dənimarkanın tərkibində olsa da, 2009-cu ildən etibarən müəyyən dərəcədə özünüidarəetmə hüququna malikdir. Lakin Qrenlandiya hələ də Dənimarkanın xarici siyasət və təhlükəsizlik məsələlərindəki nəzarətinə tabedir.

ABŞ-ın Qrenlandiyaya olan maraqları, xüsusilə bölgənin strateji mövqeyi və təbii sərvətləri ilə bağlıdır. 2019-cu ildə Donald Tramp Qrenlandiyanı ABŞ-a satmaq təklifini irəli sürmüş, amma bu təklif Qrenlandiya tərəfindən dərhal rədd edilmişdi.


Səidə Mustafa